మసిపూసిన మానవత్వం నిసిగ్గుగా నిలుచుంది
నగ్నత నిజమని తలవంచింది
ఇది సమానత్వం అంటావా ... ఓ జాగృతి
బేధం అనే ఏర్పాట్లలో భేరీజు వేసుకుంటూ
మోసం అనే చీకటిలో మగ్గిపోతూ బ్రతుకుతున్నాం
జాతి అనే భ్రమలో ఎవరో ఒకరు లాభపడమే తప్ప
సమాజ అంకురార్పణ సాధించిందా
ఇది సమానత్వం అంటావా ... ఓ జాగృతి
తప్పు ఒప్పుల మాట దేముడుకి ఎరుక
అన్యాయం అద్దంలో చూపుతూ అవహేళన చేస్తుంది
ఎవరికైనా ఒకటే ముక్తి ఈ జాతికి లేదు విముక్తి
మగజాతి అంటే మదం ... ఇలాగె చూస్తుంది ఈ ప్రపంచం
ఇది సమానత్వం అంటావా ... ఓ జాగృతి
మల్లె తీగ మీద రాయడానికి కవితలు బోలెడు వస్తాయి
మనసు మౌనం మీద చదవటానికి ఎన్ని హృదయాలున్నాయి
రెండు వైపులా ఒకటే న్యాయం ఉండదా
లోతుల ఆలోచిస్తే ఈ శ్రీ అహంకారం దొరకదా
ఇది సమానత్వం అంటావా ... ఓ జాగృతి
